蕭正楠爆翠如齋食唔做燶蛋都冇隻！
藝人岑麗香與蕭正楠昨日出席聖誕活動，香香透露有意在聖誕節焗火雞給老公食，更指在加拿大生活時，因聖誕節沒有店舖開，要早一日買定炸雞，自誇：「有技巧可以炸到啱啱買咁o架！」又希望今年可以有空閒時間開派對。
至於蕭正楠被問到女友黃翠如可有為他下廚？他笑說：「你問起我啲傷心事，佢收咗工要我煮番畀佢食，好似啲雀仔咁，不斷要食。」又爆翠如自在節目上煎燶雞蛋後，現在連雞蛋都不煎，大呻自己命苦。忙拍無綫新劇《12傳奇》的他，指聖誕將有數個商演，更會與女友情侶檔出活動，藉工作見面。他亦透露自己投資的漢堡包店，兩年已有兩間舖，最近有人有興趣加盟，表示若有人加盟就會開工場去處理食材。
