性治療師教路王君馨搵老公填滿個窿
藝人王君馨昨日出席劇集宣傳，她笑言希望老公看不到她的親熱戲，又謂曾經抑鬱要以暴食來紓解，但婚後已改由老公來填補空虛的窿窿！
藝人張兆輝、王君馨、阮兆祥、江美儀及陳敏之等昨日到九龍灣宣傳無綫劇集《性在有情》，王君馨說：「我演性上癮者，同阮兆祥有親熱戲，係我主動，希望老公睇唔到！我問過啲性治療師，佢哋話性上癮係因為曾經遇過一啲事，令心理上有個窿咁，要不斷做啲嘢去填滿佢。我覺得好似以前抑鬱要不斷食嘢咁！（依家老公填窿？）有乜嘢都會同佢傾，仲有我嘅信仰，因為老公都唔係隨時隨地聽我講。」
張兆輝遇女粉絲撩上床
而張兆輝透露曾遇女粉絲私信撩上床，他不怕會因此劇引來更多粉絲大膽表白，並說：「其實個劇係輕鬆嘅，之前我都同屋企人睇，大家睇到哈哈笑，依家社會比以前多啲呢方面嘅討論。」陳敏之則說：「拍劇時我未生仔，依家個仔1歲，我可以同佢一齊睇，真係有趣！拍劇嗰陣，張兆輝都同我分享湊仔經，當時話我係時候諗生B，我覺得呢個劇都幾旺我！」
文：影視組