惠英紅怕怕！姊弟戀咪搞

惠英紅笑言與導演楊雅喆初次見面時已「交晒戲」。

首映上，惠英紅表示雖從未與張孝全合作，但相識多時：「因為張孝全同《血》導演楊雅喆好熟，拍戲時經常嚟探班，所以大家都熟。（如果合作想演咩角色？）做家姐或者阿媽！（姊弟戀故事？）姊弟得好緊要喎！你唔怕、我都怕！（現實中接受到姊弟戀？）細過我就唔鍾意，我份人好保守。」

「氣燄」吸引導演

問到金馬封后後有否加片酬？惠英紅說：「等公司去傾，我近排忙拍新戲，開通宵，瘦咗唔少。（收入增加？）手頭上嘅片約係之前簽落，排到出年年中，到時我都過氣啦！」

另外，惠英紅受訪時透露曾故意冷待《血》片導演楊雅喆，她說：「睇完劇本，我好鍾意，嗰次導演嚟香港，我決定演畀佢睇我嘅『棠夫人』（戲中角色），揀咗紅衫、紅鞋造型去見面，嗰日同升降機故意唔打招呼，又要佢喺會議室等我十分鐘，之後夠鐘我就話：『我走了！』用氣燄將導演壓落嚟！導演後尾同我講，嗰刻已經決定用我，但好驚我真人係咁，於是周圍打探，終於放心！」楊導亦說：「她既不跟我打招呼，又自顧自去點甚麼凍檸茶、凍奶茶，好大的夫人氣燄！我還是頭一趟遇到，不覺得被輕視，反覺她讓導演直接去看『棠夫人』有多厲害，很聰明！」

楊雅喆（左）	張孝全、惠英紅	惠英紅獲送花後，開心與張孝全抱抱。

文：影視組