黃依汶有老公撐住放心做強人
黃依汶（Emme）事業家庭兩得意，然而這並非唾手可得，其實Emme投放了不少心機和時間去經營，在兩者中取得平衡。她慶幸獲老公陳國坤全力支持，讓她可以安心做「跨界女強人」。
女星黃依汶（Emme，前名黃伊汶）由藝人轉型做生意，成為鐘錶界女強人，更將其鐘錶品牌Galtiscopio拓展到首飾、時裝及手袋，以手錶的錶盤及錶帶轉移至時裝，貫穿品牌的設計，早前又參與紐約時裝周。Emme透露品牌投資七位數，由2010年到現在這七年間投資不少時間和心機，就算初期需要一腳踢，捱得苦不堪言，但她都沒有放棄，最終令品牌的銷售網衝出亞洲遠至紐約。
家庭事業平衡發展
Emme去年為老公陳國坤誕下兒子陳真，她覺得家庭與事業平衡是最重要的，幸有老公這副後盾支持：「我有好好嘅老公，佢話我自己鍾意做就做，唔鍾意就隨時唔做。有時兩夫妻最緊要畀個安心大家，我面對辛苦，回家有後盾，係一個動力，我向前衝又得，辛苦得嚟都有人明白自己。」
擁有美滿家庭的Emme本可做幸福少奶奶，然而她不斷燃燒的事業心卻叫她繼續打拚，跳出家中的幸福窩，向外闖一番事業：「人生要有平衡，先叫豐足，平衡事業與家庭、夫妻關係同子女關係。」
不管工作有多忙，Emme每天也堅持回家陪伴一歲多的兒子，免得顧此失彼。
讓兒子自由發揮
說到育兒之道，Emme坦言不是怪獸家長，也不勉強兒子做品牌的接班人：「佢仲細，會觀察佢鍾意乜，再睇乜嘢適合佢，唔一定佢將來要做乜。我畀佢舒適環境，唔使跨網讀名校，畀多啲時間佢好好休息，健康成長先至係最重要。」
文：名人組