謝雪心愛犬最叻氹老友記

藝人謝雪心日前帶同兩隻愛犬到東涌探訪長者，她指愛犬發揮親善作用：「狗仔哥哥Dormika，簡稱卡卡，妹妹Dormegan，簡稱美金。卡卡已經做咗好幾年義工，美金就係第一次做探訪，當啲公公婆婆拍手掌，美金有啲驚，因為佢未試過，不過後來適應咗都幾好。我得閒就會帶佢哋去做義工，呢啲係善行，若果主人唔帶，佢哋就唔識去做。記得以前帶卡卡探位獨居婆婆，婆婆有啲驚，但卡卡用手輕輕掂住婆婆，好乖咁聆聽婆婆講嘢，到後來我哋要走，婆婆好唔捨得卡卡添。」
謝雪心經常帶愛犬卡卡（右）和美金做義工。
謝雪心經常帶愛犬卡卡（右）和美金做義工。

心姐又指每次探訪都有得着：「今次去探訪咗一對老人家，佢哋屋企喺4年前嘅年初一火燭，乜都燒晒，後來靠嗰位公公自己逐塊磚咁砌番間屋。我鍾意探訪老人家，等佢哋可以迎接一個溫暖聖誕，自己亦都好溫暖。」

每次探訪長者，謝雪心都會有得着。
  • 每次探訪長者，謝雪心都會有得着。