麥子樂形象花弗 嘆冇女埋身
英皇藝人麥子樂近年由公仔箱走入電影圈，獲得不少機會。早前他在電影中有大量情慾場面，予人形象「玩玩吓」，但其實他打從心底是個渴望被愛的男士。
麥子樂近年由電視圈跳入電影圈，回想當年在公仔箱因生活太過安穩，故決定出外闖，轉投電影圈。他坦言每次拍電影都會當作是最後一部作品來看待：「之前喺無綫太安穩，因為係咪都會有工作，會冇咗求生嘅意欲。我依家心態係當每一部電影都可能係最後一部咁做，其實係好大壓力，因為你呢部戲做得唔夠，可能冇下一部，呢個係對自己嘅推動力。」
拍情慾戲嗌尷尬
獲得不少機會的麥子樂，早前在電影《私人會所》中有大量情慾場面，問到覺不覺艷福不淺？他說：「又唔覺得喎，拍戲之嘛，我覺得幾好玩。其實男仔比女仔拍呢啲係更尷尬，因為驚過分投入。」他又指現時拍攝另一部以武打為題材的電影：「之前學過功夫，今次可以學以致用。（受傷？）皮外傷一定有，但我覺得男仔多少少疤痕有型啲。（騷肌？）戲中連埋我有四個男主角，大家都要騷。（咁你前後兩套戲咪要騷肌囉！）唔係為露而露，我OK嘅！」
「可能傷害過前女友」
早前宣布與女友分手的麥子樂現時單身，自爆冇人相信他真心拍拖：「我有嘗試去了解人，但人哋唔相信我，覺我玩玩吓，但其實我係一個好需要愛嘅人。之前經歷咗一場幾長時間嘅感情，冇話做啲咩，諗自己先已經係一個行為上嘅傷害。」
文：專案組
場地：越男仔
鳴謝：Barry＠J＆B Ent