張兆輝陳敏之夫妻檔爆笑講《性》經

由張兆輝、陳敏之、王君馨、江美儀與沈震軒等主演的劇集《性在有情》，將於10日起，每逢周日晚上八時三十分一連兩小時播放。該劇曾是首部自家製作網絡電視劇並於myTV SUPER中播出，以輕鬆性喜劇為題材受到歡迎，今次走出網絡與電視機前的觀眾見面。

接《雜警》棒周日播

劇集以性為主題，雖帶出夫妻間的相處疑難，但實質充滿溫馨與搞笑情節。陳敏之與張兆輝飾演夫妻，以豐富的性知識為他人解決疑難，但卻未能解決兩人為生仔而產生的種種磨擦！劇集中有不少「床戲」，但全部是「少鹹多趣」，張兆輝說：「呢套劇本身用一個輕鬆搞笑方式，帶出一啲真實嘅性問題，套劇真係拍得好好同好好笑，以前TVB未試過有呢啲題材嘅劇。呢個時段播過《踩過界》同《雜警奇兵》，觀眾反應都好好，相信會接受到。」

張兆輝與陳敏之面對生仔問題，產生種種磨擦。	張兆輝與陳敏之玩埋學生Look，性趣大增！	陳敏之性感上陣，晒招牌長腿。

期待教生仔秘技

敏之則指劇集中性感場面均屬笑位，沒有賣弄色情，相信可以避過刪剪：「好開心！終於喺電視頻道再播！套劇新題材，畀大家知道性可以好正面。（多咗人請教你性知識？）拍嗰陣未做媽媽，我諗依家再播反而會再多啲，依家做咗媽咪，可能會多人問我生仔問題，都有啲期待！」

文：影視組