陳豪身懷「硬物」頂住朱咪咪
視帝歐陽震華（Bobby）、陳豪及視后田蕊妮昨日宣傳無綫新劇時大放笑彈，玩行石春路遊戲時，阿田先自嘲巨躉，被Bobby要求「夾實」繼續行。而朱咪咪孭住陳豪時就大呼被硬物頂住，陳豪則反晒白眼搞氣氛，場面爆笑！
Bobby、陳豪、田蕊妮、麥明詩、江嘉敏和陳嘉寶等昨日出席無綫劇集《誇世代》宣傳，期間眾演員分批行石春路，Bobby以「公主抱」抱着阿田走路，阿田以大Pat Pat為理由煞停，Bobby聞言即說：「你自己夾實佢啦！」更示範夾Pat，及後被再次抱起的阿田不斷以手遮Pat，爆笑非常。
剛於新加坡電視頒獎禮獲得「最佳喜劇演員」的Bobby，透露前日清晨時分才返到香港，由於要準備月底到上海主演廿場舞台劇，故暫未有時間慶祝，預料跨年也在當地度過。他表示已有廿多年沒有演舞台劇，認為今次接演也相當大膽，問到可想再下一城於無綫頒獎禮攞獎？Bobby說：「無綫應該增設喜劇演員呢個獎啦！否則喜劇演員就冇獎，畀晒啲偶像派，增設咗就大啲年紀都可以拎。」
捐出囝囝玩具
同場的陳豪被朱咪咪孭住行石春路時搞笑反白眼，朱咪咪高呼似被硬物頂住，後來才笑指是陳豪的皮帶扣。陳豪大讚朱咪咪是搞笑能手，很懂得搞氣氛，認為要向對方多多學習。他又指昨日為長子舉行生日派對，將兒子打扮成超人，並會把兒子的玩具捐出。
文：影視組