方新俠投資．行善雙行線
現年29歲的股評人兼企業家方新俠日前榮獲「全球華人傑出青年」獎項，對教育及行善不遺餘力的他除了在山區捐錢建校及身體力行探訪外，更要求學生將投資所得的十分之一捐出，發揚「俠」義精神，為拉近貧富距離出一分力。
方新俠2015年由美國回流返港，短短兩年間成為俠豐控股CEO，旗下業務遍及投資教育、鐘錶、出版、飲食及手機遊戲，成就蜚然，日前方新俠更榮獲「全球華人傑出青年」獎。該獎項由「傑出華人文化促進會」及「全球傑出華人協會」等機構聯合主辦，表揚傑出青年之最高獎譽，得獎者均為全球各領域取得卓越成就及對社會貢獻良多之華人傑青，經過傑出人士組成之評審團面試甄選會後方可獲此殊榮。
升呢「股壇博士」
有「少年股神」之稱的方新俠，在財經界具有名氣，今年11月曾於兩星期內以180萬賺400萬，並開班授徒，奪獎後更升呢被封為「股壇博士」。不過，除了擅長賺錢外，方新俠不忘行善回饋社會，不僅每年捐出逾百萬，更要求學生將投資所賺得的十分之一捐出做善事，把其「俠」義精神發揚光大，傳承正能量。
談到得獎感受，方新俠坦言獎項只是一個頭銜，但影響深遠：「年輕人可以向住傑青呢條路去行，畀年輕人認知到點樣貢獻多啲社會同世界。我得獎可以令到其他年輕人多一個榜樣，傑青唔係好大年紀，任何年紀都可以攞到，任何年紀都可以行善，可以為社會貢獻更加多。」對於獲獎原因，方新俠認為一方面在教育貢獻，另一方面在於積極行善：「我喺投資方面嘅教育做咗好多，例如推出桌上遊戲，令小學生都可以學識理財同金融術語，又有唔同投資書同投資漫畫，令到學習投資理財更加容易，如果年紀大少少可以上我嘅課程，我嘅學生由17歲至80歲都有。而且我要求學生將賺到嘅錢十分之一捐出去，我哋捐過去惜食堂、無國界醫生等等，甚至會喺貴州同柬埔寨起學校。（你都有呢個習慣？）我當然要以身作則，17歲開始已經會咁做，其實投資股票係買空氣，對社會完全無生產力，我哋將賺到嘅錢捐出去係還富於民，可以幫到更加多嘅人。（咩事啟發你咁做？）我見到好多世界各地嘅小朋友，香港小朋友係相對幸福，好似山區小朋友連三餐溫飽都未必做到，我會反思好多嘢，人一出世一定係唔平等，點樣可以將平等拉近啲，我覺得要將貧富懸殊拉近啲，個世界就更加和平。」方新俠對教育非常重視，他稱只有教育才可以將根基改變，才是一個治本良方。
捐錢中柬建校
方新俠在馬來西亞、中國貴州及柬埔寨也有捐錢建校，還親身到當地了解，他在獲得傑青獎項翌日便出發往柬埔寨探訪他捐建的學校，他說：「你唔親身過去唔知佢哋缺乏啲乜嘢，好似我之前去馬來西亞建校，去到發現佢哋連食物都唔夠，咁又點會有心機上堂，所以去過就知道要先幫佢哋解決食物問題。」
談到難忘的探訪經歷，他稱曾到過中國台山的一個小村落，當地只有老人及小孩，設備簡陋，有燈但沒有電，因為沒有電，太陽一下山小朋友便上床睡覺，雞鳴便起床做功課，再行個多小時返校：「你問佢哋想要咩，佢哋會答想要部單車，因為方便返學，如果你問香港小朋友，佢會話想要最新iPad，可以打機打快啲。知道個世界咁大，就比較到好多嘢，覺得貧富懸殊要縮短。」
17歲身家過千萬 上月兩星期賺400萬
方新俠因父母離異，14歲時與姊姊隨母移民美國拉斯維加斯。中學時，方新俠偶然看了黃子華的棟篤笑VCD，當中提過《富爸爸，窮爸爸》一書，他看過該書後大有啟發，開始炒波鞋及炒iPhone獲利逾2百萬，賺到人生第一桶金。之後他轉戰股票市場，他看了逾千本投資書自學炒股票，17歲那年花了一個月時間炒股賺逾700萬，當時身家已過千萬。由於方新俠在美國經常在網上分享獨特精闢的投資心得，而被稱為股神。2015年，方新俠在未有帶任何資金下回流返港，以零元起家，兩年內炒股賺了2千萬，並成立了俠豐控股有限公司，業務遍及投資教育、鐘錶、出版、飲食及手機遊戲，亦有開班授徒教投資與理財，大受歡迎。今年11月，他於兩星期內以180萬賺400萬，眼光獨到。早前方新俠與人生導師林希樺合作舉行《致富於心》Talk Show，傳授理財策略，並破天荒加入音樂及娛樂元素。
城中筍盤愛女神
方新俠年紀輕輕已事業有成，且身家豐厚，可謂城中的超級筍盤。而這位股壇男神仍未有女朋友，他笑說：「雖然我都好想做國民老公，但都唔可能一直唔拍拖，搵女朋友要講緣分。」他還反問記者有否好介紹，又開玩笑指要公開招親。問到擇偶條件時，方新俠稱欣賞智慧型靚女，並公開心目中女神：「最好就係文青女神袁澧林同有氣質女神之稱o既時裝設計師簡幗儀o既混合體，佢哋都係又靚又有學識。雖然緣分呢樣嘢好微妙，不過都希望另一半同自己襯埋一齊，大家會讚郎才女貌，天生一對。」揀股投資獨到的他，揀女友就要加把勁了！
方新俠語錄
方新俠為人幽默，對答充滿智慧，經常有不少語錄與金句，成為金融投資上的江湖秘笈，更被學生與股民稱為「新俠兵法」。
你若覺得被世界遺棄，有本事，
你就創造自己的新世界！
只要有心，人人都可以做股神！
做善事並非為沽名釣譽，當一個人熄了燈之後，
還有沒有人記得你？
要做一個有價值的人比做一個成功的人，
更有價值活在世上。
我沒有靠山與背景，只有拚命與堅持。