鄭希怡爆囡囡恨要細佬
藝人鄭希怡（Yumiko）昨日現身活動，並率領一班小朋友表演，在台上載歌載舞。Yumiko透露因愛女「梁浸浸」要返學，故今次未能一同出席，又笑言囡囡最近愛上唱歌跳舞，變得活潑及貪玩：「佢呢排好鍾意唱歌跳舞，直頭係瘋狂，佢會自創舞蹈，玩前空翻、瑜伽動作，我都會同佢一齊跳，盡量跟上佢啲動作。」
講到Yumiko早前帶「梁浸浸」參與內地親子真人騷，曾在節目中向囡囡發脾氣，她坦言不會再發脾氣：「因為同佢相處多咗，佢大個咗又乖咗，識得聽我講嘅道理，係開始明白道理嘅年紀。我亦同自己講，唔可以向佢發脾氣。（會唔會追多個小朋友？）再諗吓先，囡囡淨係話想要細佬，想要一個陳真（指黃依汶兒子），佢都有啦，又可以一齊玩，唔使我生。」
