夥百名細路排戲魯文傑嘈到耳鳴

藝人魯文傑（Simon）與舞台劇演員鄭至芝（Gigi）將於12月24至31日於上環演出合家歡舞台劇，故事講述Simon飾演的聖誕老人要喚醒港人對聖誕節的回憶。身兼演員及導演的Gigi直言與小演員合作有難度，又爆Simon經常在劇團撩小朋友：「我細個見到Simon好開心，依家啲家長送小朋友嚟排戲，見到佢都好開心，佢係我哋細個嘅偶像！」Simon透露曾與百多個小演員一起排戲，感覺非常震撼：「嘈到我耳鳴！唔係話佢哋曳，正常小朋友都會咁。不過做話劇可以學到紀律，所以冇問題。」