岑麗香、陳敏之、李司棋及夏雨等主演劇集《溏心風暴3》，因有總監製劉家豪助陣，成功突破TVB的「限奶令」，首集已有爆肌黃宗澤與谷胸陳偉琪床上卿卿我我，前晚首播晚宴上，岑麗香更預告劇中會穿三點式泳衣，而陳敏之則有激情戲，齊齊「逃過一剪」，火辣熱浪一個接一個！

李司棋、夏雨、王浩信、岑麗香、陳敏之等前晚於將軍澳出席新劇《溏心風暴3》「溏心載譽風暴再起」晚宴，同場有高層杜之克、劇集總監製劉家豪與太太梅小青等與一眾演員齊齊睇首播。最近無綫發出「限奶令」，劉家豪笑言新劇不受影響：「我哋係拍《溏心風暴》，唔係《溏心胸部》！第一集就會有好多奶，奶茶啲奶。」

劇集首播確實「辣」戲連場，爆肌黃宗澤（Bosco）赤裸上身，壓住陳偉琪攬攬錫錫，場面火辣！而岑麗香於晚宴上亦指沒受「限奶令」影響，三點式泳衣戲份可以出街，問到性感演出有否向老公強強報告？香香笑言：「我乜都同佢講晒(o架)！」

至於有指香香早前推掉新劇《BB來了》由李佳芯頂上，她說：「係呀，推咗，因為我廣東話唔好，每次拎到劇本返到屋企都要時間去翻譯，已經先後拍咗《溏心風暴3》、《果欄中的江湖大嫂》，每日都要忙10到20個鐘，想抖一抖，令身體好啲！（專心造人？）順其自然，交畀神，冇壓力嘅。」

陳敏之及唐文龍在預告中亦有不少激情戲，講到「限奶令」，敏之說：「可能有啲都剪咗！但我哋嘅感情線唔係賣弄色情，只係有啲激情戲吸引眼球。」她自爆拍攝前沒有完全向老公備案，但相信老公會永遠支持，更笑言播出時老公一定不會看，故不擔心被罵。

文：影視組