薛世恒商演兩邊撈：人格分裂！

薛世恒希望將來成為子女們的「超人」，擔起成頭家。

雖然過着「分裂生活」，但薛世恒表示依然享受：「自己係幾鍾意諗嘢嘅人，但做生意好實在，唔容許太多諗法，唔可以癲；不過做藝人就需要想像力，好相反，似係人格分裂。」他指藝人佔去60%時間，生意只佔40%，好似他到北京拍真人騷，便要在港消失一個多月。問到對做生意有否影響，他說：「同事始終要出糧嘅！（你唔喺香港，仲要預繳出糧添？）預繳咗！唔知佢哋會唔會突然唔返工呢？講笑啫！我啲職員好勤力嘅。我覺得依家有一定經濟基礎，畀自己去做鍾意做嘅嘢，係自己嘅選擇。」

視父親為英雄

喜歡幻想、性格十足大細路的薛世恒，早前為時裝設計師何國鉦設計、以蝙蝠俠、超人及神奇女俠等英雄人物為主題的時裝及配飾擔任模特兒。薛世恒坦言男人都鍾意英雄人物，自己心目中的「超人」已有人選：「細細個就當爸爸係超人！（爸爸聽到好開心？）係啊！唔知佢睇唔睇到？如果將來有機會做爸爸，都想做個超級爸爸，成家人睇你頭。（如果要設計一位英雄人物會設計甚麼？）袋鼠俠！以前喺澳洲讀書見袋鼠多過見人，細個成日跳嚟跳去好調皮。」

放大圖片	薛世恒示範各款英雄主題服，型啊！	薛世恒（左）做藝人又做商人，但仍享受「分裂」生活。

文：Tracy Leung

服裝：Justice League X Dorian Ho