盧巧音爆「情史」嫁過畀馬國明！
將近入行20周年的歌手盧巧音於下月開個唱，強勢回歸樂壇。日前她接受《娛樂onShow》訪問暢談為何「Return」為題，又自爆曾與馬國明影婚照：「我以前『嫁』過畀佢o架！」
盧巧音（Candy）入行以來有不少經典歌曲如《垃圾》、《三角誌》及《好心分手》等風行樂壇，至今仍是不少人心目中有才華的創作歌手之一。將近入行20周年的她，宣布回歸樂壇於下月開個唱，樂迷大呼期待！
Candy日前接受東網巨星《娛樂onShow》主持李文珊訪問，提到今次演唱會以「Return」為題，當中是否有特別含義？她坦言主題甚有意思，指好友何兆基曾給予意見：「咁我又回歸啦！本身諗係喺20周年嘅時候搞，所以都算係一個回歸表演，就叫『Return』。何兆基就話呢個名好似喺Keyboard度有個掣，你按『Return』就去咗下一頁，好似人生入面嘅新一頁，所以我覺得好有意思，就用呢個名！」Candy又透露正籌備新歌，亦有邀請一些朋友寫歌，並指下年將會有迷你專輯推出。
婚照成內地教材
除了唱歌外，當年Candy曾在影視發展，還自爆曾與馬國明影過婚照：「我哋當年合作拍《天涯俠醫》，喺劇中我『嫁』過畀佢o架！（知唔知道呢張相成為內地教科書嘅教材？）知啊！都有粉絲同我講過，話呢張相變成教材，教大家結婚嘅服飾係點，屬於咩民族，所以我覺得成件事係好有趣。」Candy繼續爆料，如與馬國明當年拍攝時的難忘經歷及今次演唱會的嘉賓與服飾，想知道更多？立即Click入東網巨星收睇《娛樂onShow》啦！
https://goo.gl/13KQmY