漢洋外遊唔敢搭的士

歌手漢洋與譚嘉荃（Amy）早前與李霖恩及陸詩韻等一行十二人飛到柬埔寨登台，今次Amy與漢洋已是連續第五年到當地登台，漢洋除要上台表演外，更擔任領隊這個重要角色：「今次我負責帶隊，帶成班藝人去登台，順便當去旅行同玩，覺得氣氛好好，因為好耐冇試過成班朋友出外工作。（今次收得特別貴？）冇加價！」
漢洋（左二）認為李霖恩（右二）相當大膽。
漢洋（左二）認為李霖恩（右二）相當大膽。

此外，漢洋透露完騷後與李霖恩搭的士外出遊玩，令他覺得對方十分勇敢：「我覺得佢好勇，因為平時我去外國唔會搭的士，但見佢同個司機傾幾句就上車，咁我梗係一齊啦！但又發現冇想像中咁差，柬埔寨都係一個幾安全嘅國家。」

陸詩韻（左）和譚嘉荃忙裏偷閒玩自拍。
  • 陸詩韻（左）和譚嘉荃忙裏偷閒玩自拍。