胡鴻鈞愈演愈放露肉有底線

胡鴻鈞（Hubert）於《降魔的》飾演精靈「石敢當」，首度與馬國明及謝雪心兩位前輩合作，有不少對手戲：「馬國明畀我感覺冇架子，我同佢冇隔膜，咩都可以講，譬如車同足球，唔使埋位時大家有講唔盡嘅話題。我同心姐有母子情，有種媽咪嘅感覺，令我非常容易入戲。」提到他於劇集有露肉鏡頭，Hubert笑言自己底線與電視尺度一樣：「唔出得街嘅地方都唔出得街。」

初哥吊威吔

今次於劇中的戲份比《殭》更重，Hubert坦言壓力更大：「要喺對白上花多啲時間，要分析角色性格嘅轉變。」他更指此劇有很多飛天遁地的場口，故吊威吔的次數亦比《殭》更多：「有日全日廠景都係拍吊威吔嘅Shot，負責服裝嘅姐姐提我要着打底褲，但我懶醒唔着，頭一個鐘還好，但之後後悔，因為威吔吊喺大髀兩邊內側位，所以每次吊起嗰個位最受力。去到第二、三個鐘後就好痛苦，好彩啲戲要扮啲好痛苦嘅表情。」他又自問是拍劇的初哥，未有想過攞獎機會。

露前又露後的Hubert，與馬國明有不少對手戲。	放大圖片	Hubert與謝雪心在劇中的母子情，叫人動容。

否認HeHe情

參加《超級巨聲2》出身的Hubert，坦言不會因拍劇而放棄唱歌：「有同公司商量，覺得今年開咗個好好嘅頭，希望可以放多啲時間喺音樂。」對於周柏豪加盟，Hubert坦言相信公司的資源分配，最緊要在開心的工作環境下做自己的音樂。提到他近日與許廷鏗的同性緋聞鬧得熱烘烘，他強調只是好朋友關係，對上一次拍拖已是大學時期，今次緋聞絕不會影響他對異性的追求。

文：影視組

攝：劉智源