黎美言蝦仁炒蛋出得廳堂

東網巨星節目《星級煮意》新一集請來黎美言（Winkie）下廚，炮製家常小菜「蝦仁炒蛋」，亦是她的最愛：「我好鍾意食雞蛋，同埋好鍾意蝦仁嘅口感，好爽好彈牙，加上雞蛋嘅配搭可以有好多，好似叉燒、豆角等，又容易煮，絕對係好味又多用途嘅食材。」

熱油彈手險入院

父親任職廚師，故Winkie自小已學藝，難怪煮得有板有眼：「Daddy經常都會喺屋企煮唔同嘅餸畀我哋食，我自己又為食，同埋Daddy同我講，女仔一定要有內涵，要入得廚房、出得廳堂。」

煮戰多年，Winkie坦言發生過不少難忘事，最刻骨銘心的一次是幾乎要入醫院：「有次炒完嘢食，啲油喺個鑊仍然好熱，我諗住洗個鑊，一開水喉啲凍水遇到熱油就彈晒上嚟，差啲仲彈到隻眼，真係好危險！最終都彈到落隻手，至今仲有條疤痕。」

炒蛋前，記得先將調味料加入蛋漿。	Winkie愛先炒蛋，成形後再加熟蝦仁。	放大圖片

張本立：兜完蝦先落蛋

對於「蝦仁炒蛋」，新派廚神張本立提供小貼士：「可以汆熟啲蝦先，大約八成至九成熟，跟住落鑊兜一兜，再跟住落蛋，好似翻黃布，一塊塊咁樣。」想知道Winkie更多分享，記得收睇《星級煮意》！大家可透過東網App或東網網頁欣賞，亦可重溫過往陶大宇、朱慧敏、杜汶澤、陳嘉桓等精彩內容。

文：名人組