G.E.M.接超蓮任務挑戰極限
歌手鄧紫棋（G.E.M.）與賭王何鴻燊三房千金何超蓮昨日出席活動，任表演嘉賓的G.E.M.為大會演繹主題曲《Victoria》，她直言有五年冇唱廣東歌：「超蓮叫我接呢個任務時好趕，一個月都冇，要將香港有地標性嘅名字擺落歌詞，好似極限挑戰，超蓮係咁Check住我進度，不停催，好緊張，而王祖藍喺歌詞上都幫咗好多忙。」
另外，超蓮透露周六賭王生日會留在家食飯慶祝，送衫褲鞋襪作禮物，更爆賭王日日都打牌，而且有指定的生日蛋糕。問賭王可有催她帶男友回家？超蓮笑說：「佢通常都唔鍾意女兒嘅男友，Daddy通常都係咁。（唔捨得？）咁唔嫁又唔得！（聖誕搵男友陪？）我有慈善團體陪我過。」