劉嘉玲讚上進：係我學習榜樣！
藝人劉嘉玲昨日出席活動，提到方逸華病逝，問她有否回想起相處時光？她說：「佢太高層，冇咩機會同佢相處，印象中嘅方小姐係好Nice。」而她曾在電視劇《影城大亨》中飾演方逸華的角色，問當時可有向她取經？嘉玲說：「冇！我好遲先知要演呢個角色，原來係同佢有少少關係，佢都係一個好上進、好進取嘅女人，係我學習榜樣。」
她透露聖誕節會在工作中度過，未能與老公梁朝偉滑雪：「要去上海拍電視劇，都十二年冇拍。（咁辛苦都拍？）我好鍾意個故事，係張愛玲嘅《半生緣》，而角色顧曼璐人生大起大落，係悲劇人生，所以想試吓。（幾多集？）有40集，拍三個月，已經開咗一個月。（天價酬勞？）合理滿意，依家內地電視劇製作好專業同嚴謹。」她表示要等到農曆新年前方可與梁朝偉滑雪，與他商量過想避過大時大節去玩：「因為人太多，同埋我同佢都要宣傳賀歲片。（第一次同佢打對台？）冇諗過打對台，我哋都為香港電影默默付出緊，好感恩仲做緊嘢。」