陳嘉寶驚陳瀅玩殘新郎

現年27歲的陳嘉寶（Anjaylia）與比她年長8年、任職滑水教練的富貴初戀情人黃頌祈拍拖4年，將於明天（25日）正式拉埋天窗。婚期將至的Anjaylia忙於做「工廠妹」，從安排回禮、包裝、寫心意卡等都親力親為，日前更相約姊妹團傾談婚禮細節流程。

獲贈巨型花牌

日前晚上7時許，Anjaylia與陳瀅及數名朋友現身銅鑼灣一間餐廳晚膳，眾人於席上有傾有講，見準新娘Anjaylia十分興奮，傾到玩新郎環節時，更笑不攏嘴，講到口擘擘。她不時拎起電話向未來老公報告，傾足3粒鐘才捨得離開。

身為長洲人的黃頌祈，昨日在社交網上載數張由長洲長輩送贈的巨型花牌照，寫上祝賀兩人新婚之喜，他留言道謝：「謝謝各位長輩及好友的恭賀，感謝！」而Anjaylia亦上載在海邊影的結婚相，見黃頌祈輕吻未婚妻的手背，非常浪漫。

陳嘉寶與陳瀅（左）傾到口擘擘，期間頻頻致電未婚夫傳情。	陳嘉寶	陳嘉寶與黃頌祈明天舉行婚禮。

「原本好多Idea」

另外，陳瀅昨日出席活動時透露，預做一日妹仔服侍Anjaylia。問到玩新郎會否好激？她笑言：「佢好錫住未婚夫，原本有好多Idea，但佢都擔心未婚夫會驚。」她又稱今次是本年最後一個公開活動，待Anjaylia結完婚才回加拿大一個月，陪家人過聖誕節。

黃頌祈在海邊輕吻未婚妻手背。

黃頌祈獲長洲長輩贈送巨型花牌。

文、攝：追蹤組