JW撐新血鞭策徐加晴

歌手JW（王灝兒）前晚以神祕嘉賓身份，現身新人徐加晴的新歌發布會，徐加晴獲胡琳、Shine、關心妍等歌手拍片支持。JW與徐加晴合唱新歌，並送上鞭，寓意鞭策對方努力。受訪時，JW笑言是首次以偶像身份現身：「有啲Fans同我講由細聽我歌大，我心諗有冇咁嘅可能，但原來我都入咗行一段時間，好開心可以支持新人！當年我做新人都開心有前輩幫自己。」
JW以神祕嘉賓身份亮相，並出手「鞭策」新人徐加晴。
JW以神祕嘉賓身份亮相，並出手「鞭策」新人徐加晴。

而徐加晴表示見到JW心情興奮，笑指知道偶像有機會現身時，興奮到失眠。問到可有信心在頒獎禮奪新人獎？她說：「要對自己有信心，最後如果得到嘅話就係Bonus！」

徐加晴獻唱新歌，展示實力。
  • 徐加晴獻唱新歌，展示實力。