何潤東處男執導唔見三千萬
一套《那年花開月正圓》令劇中的中、港、台演員：何潤東、周麗淇、龔慈恩和謝君豪等，人氣急升「收穫甚豐」﹗在劇中演孫儷丈夫吳聘的何潤東，近日忙執導首部電視劇《翻牆的記憶》：「我得15集戲，以前啲人唔會特別要求我影相，但依家喺對面馬路見到我，會大叫吳聘，好開心。劇集播出後，我推咗十幾個商演同電視劇等，因為要做導演，所以推咗二、三千萬出街！」談到與孫儷先後合作3次，他說：「佢份人好開朗，係佢令我知自己鍾意做幕後。」
龔慈恩、謝君豪人氣急升
至於客串的周麗淇最近返無綫拍《再創世紀》，故即使多了工作亦要忍痛推掉，保守估計損失七位數字，她又大讚孫儷：「佢好專業，每日去到片場狀態都好好，同佢相處好舒服，私底下佢好錫小朋友，無論工作同家庭都好稱職。」
至於在劇中演奶奶而爆紅的龔慈恩，坦言與孫儷合作零壓力，大讚對方是很好的演員。而於劇中演沈四海的謝君豪，則覺得拍《那》劇最大困難是要背複雜的普通話台詞。