朱咪咪騷接騷坐扁Pat Pat

藝人朱咪咪、伍衞國及夏春秋夫婦等前晚到慈雲山出席「保良局慈善盆菜宴」，數百街坊冒雨食盆菜及睇騷，但無損表演嘉賓雅興。朱咪咪表示到場前仍未決定唱咩歌，習慣玩即興上台才揀歌，又笑言最近屁股「坐扁咗」，因不停坐飛機到各地表演，並透露跟老公慶祝生日都只是簡單食飯，問她會否閂埋房門送驚喜？她笑說：「唔得閒！之後又要飛！」又笑言有想過退休，但身邊朋友不允許，希望她繼續開騷。