容祖兒神奇增高願望更浮凸

昨日容祖兒和師弟洪卓立（Ken）出席聖誕亮燈儀式，吸引大批市民圍觀一睹天后風采，一向身形Fit爆的祖兒在聖誕許願樹下講出願望：「想身段變得更加玲瓏浮凸。」現年37歲的她自爆突然再度發育，連自己都嘖嘖稱奇：「你信唔信我仲有得高？但真係喎，我高咗3cm。」祖兒早前做身體檢查，發現身高由以前的1米68，變成1米71，她大呼：「真係再度發育呀！」問到祖兒可想上圍變大時，她笑說：「我冇大家咁膚淺，我係想條腰幼啲。」當被笑名花有主，不用過分Keep Fit，祖兒就覺得要同自己交代：「之前同舊同學敍舊，睇到佢哋個個『幸福（肥）』，我唔努力Keep就會咁喇，哈哈！」

洪卓立露額似冇着衫

祖兒又說聖誕也要工作，如有假期望可80日環遊世界，問到結婚就可放長假？她即說：「又講，唔好再提呢兩個字喇！（咁度蜜月囉？）Um……你哋諗得好周到。」她又表示想看北極光，可會叫男友劉浩龍安排行程？祖兒冧到笑着點頭。

容祖兒和洪卓立與上台玩遊戲的粉絲自拍。

容祖兒向粉絲大派心形朱古力。

換了露出額頭髮型的Ken似乎對新Look有「意見」，他自嘲令其「包包面」更明顯：「好似『肉面飛龍』，梳呢個髮型要減肥，額頭唔靚，10年嚟都係齊蔭遮住個額，但見唔少男藝人都梳起晒額，自己都試吓。」他形容露額如沒着衫，而女友湯怡則指他似電玩遊戲《街頭霸王》中的動漫人物阿Ken。

成人增高極罕見

對於成年人突然增高，據註冊脊醫王漢榮表示，乃非常罕見的情況，他舉例指，除非當事人有糾正寒背、脊椎側彎或姿勢問題，才有機會突然增高。而患有脊椎側彎問題的病人，早上與晚上量度高度的數字都會有所不同，因為經過一日的活動後，脊椎會受壓，故晚上有機會出現「變矮」的情況。

文：音樂組　攝：唐豁莊