胡梓盈「舞」功高強三連霸
童星胡梓盈（Keicy）日前以代言人身份為芭蕾舞學校擔任剪綵嘉賓，她成為該校代言人已經第四年，Keicy早於兩歲起已開始學跳舞，並連續三年取得跳舞金獎，甚有潛質。
Keicy的媽媽說：「囡囡仲係BB嘅時候，一聽到音樂，身體就會自然擺動，佢細個好易跌親，所以畀佢去學跳舞，學咗之後手腳靈活咗，馬步都穩咗。（囡囡好有天分？）我覺得佢都有天分，佢好有節奏感，有時睇片睇幾次就會記到，排舞嘅話幾堂就記到啲舞步。（佢好勤力練舞？）只係一星期上一堂。除咗芭蕾舞，佢都有學Hip Hop同爵士舞。其實Keicy以前都有參加其他地方舉行嘅跳舞比賽，好似廣州、佛山、新加坡，不過依家佢升咗小學二年級，功課比較多，所以都少咗。」
Keicy下月七歲生日，Keicy媽媽表示原本想為女兒開生日會慶祝，不過，Keicy自言已經大個女，不用開生日會，反而想一家人吃自助餐。