劉佩玥發惡張彥博知驚聽命

藝人張彥博日前偕劉佩玥（Moon）與盧宛茵為連鎖快餐店拍攝廣告宣傳片，屢傳緋聞的Moon與阿博飾演夫妻，為配合劇情，Moon不時向阿博撒嬌及投以「迷魂眼」，不過阿博過於緊張及太投入拍攝，竟全程不過電，只落力扮演「難為了好仔」的角色，互動場面極搞笑！問到飾演夫妻可有尷尬？阿博大爆Moon不為人知的一面：「其實阿Moon惡嘅時候可以好惡o架！我每次見到佢咁都怕怕，會好乖咁聽從女王嘅指示，佢其實係我拍戲時嘅督導。」他又表示與盧宛茵合作，最困難的地方是要忍笑。