莊思明一見零食變細路
前港姐季軍莊思明亮相東網巨星節目《閨蜜睡房》，除以瞓覺Look上陣，分享睡眠小秘密外，更自爆低能一面，盡顯親切可愛性格！
莊思明（Lisa）擁有型格外表，高挑身形，這次亮相東網巨星節目「海馬牌床褥特約」《閨蜜睡房》，與主持李惠儀（Kiwi）傾心事，大爆自己低能一面。Lisa說：「我好鍾意食零食，屋企有個零食櫃，每次一打開就不期然流露好興奮、好開心嘅樣！仲會變得好低能，無端端變番個小朋友！好聽啲咪得意囉，難聽啲係『低能』。」水瓶座的Lisa又自言性格變幻莫測：「我係一個大情大性又低低能能嘅人，有時對男友好好，有時又好衰；有時會亂發脾氣，有時又善解人意！水瓶座係好複雜嘅！」
家姐心急拍拖
她又爆外剛內柔的家姐莊思敏（Jacquelin）恨拍拖：「Jacquelin呢排講得最多，就係要人幫佢搵男友，口頭禪嚟o架喇！佢不嬲都心急，外人覺得佢好硬淨，其實唔係，佢幾小鳥依人，對住男友幾弱質纖纖，係另一個樣，係啲人成日誤會咗佢！」想聽Lisa爆更多秘密？記得今個星期五、六、日留意東網巨星的《閨蜜睡房》！
文：影視組