愛迪梅菲入股國藝 冼國林公司進軍荷里活
由冼國林出任主席的國藝娛樂文化集團有限公司，昨日宣布將以3.27億港元收購美國荷里活著名黑人諧星愛迪梅菲（Eddie Murphy）公司旗下Murphy Entertainment Studios LLC的10%股權。由於雙方以換股方式交易，愛迪梅菲頓成為國藝股東之一，並保證國藝娛樂3年內每年平均獲不少於5,000萬現金分紅。
冼國林昨日受訪時表示對合作充滿信心：「由7年前構思影城時，外間以為我吹水，仲有人問我會唔會死呀？到依家（成功）啲人又話我有遠見！今次我先知先覺，令到政府都出政策，將佛山打造為『廣東好萊塢』，成為世界級影視中心。（多荷里活演員想打入中國市場？）佢哋睇到我哋嘅發展潛力，愛迪梅菲成為我哋主要股東，我都好開心。經過多年努力，得到地方政府及荷里活方面垂青，真係好大鼓舞！」至於旗下藝人陳嘉桓和周嘉莉，對老闆這個新合作都大感高興，後者更希望可與梅菲合作。