歌迷嗌英文名農夫要殺人滅口

組合農夫一連六場的演唱會前晚去到尾場，一如過去五場陸永和C君早已坐在台上迎賓，與前來捧場的吳業坤、連詩雅、蕭正楠和黃翠如在台上合照後才開騷。期間歌迷大呼陸永做Billy，嚇得陸永笑言：「據我所知，知呢個名嘅人已死得7788，係我派人去暗殺佢哋。」他又踢爆C君和陸爸爸都叫Steven，C君笑說：「好名嚟，係我自己受唔起啫！」
C君（左）和陸永分別被爆英文名叫Steven和Billy。
C君（左）和陸永分別被爆英文名叫Steven和Billy。

眾人又送上生日蛋糕給C君預祝他下周三（22日）生辰，完騷後，農夫沒有即刻離場，繼續完場玩送客，與觀眾逐一握手，花了半小時才送走全場觀眾。陸永笑言握手送客握足六晚，若計婚宴人數，6場等如擺720圍。再問到容祖兒是否自薦唱禁歌《港女收港男皮》？農夫說：「佢咁講過囉，仲Send埋歌詞畀佢，佢覆咗我『收到』跟住就冇下文嘞。」

連詩雅上台晒長腿。
  • 連詩雅上台晒長腿。
穿上「食好西」T恤的吳業坤（左起），與蕭正楠和黃翠如一齊睇騷。
  • 穿上「食好西」T恤的吳業坤（左起），與蕭正楠和黃翠如一齊睇騷。