衛蘭舞動紅館怕傷身唔減磅
衛蘭將於明年1月再踏上紅館舞台，舉行記者會時獲前老闆黎明拍片支持，打破不和傳聞，她看到片段更忍不住高呼：「Oh my god！」又指今次演唱會放棄減磅，直言喜歡她的人不會介意肥與瘦。
歌手衛蘭（Janice）昨午以一身深藍色造型現身灣仔，為明年1月12至14日舉行的紅館演唱會《Oh My Janice World Tour 2018》舉行記者會，除了獲高層送上頭等機票，讓Janice隨意寫下目的地外，更獲前老闆黎明（Leon）、容祖兒、雷頌德和李榮浩等歌手好友拍片祝賀，當看到Leon所拍的片段，Janice即大感驚喜。
神秘表演嘉賓
受訪時，Janice透露事前不知道Leon拍片，所以一見到就非常感動。問到會否邀請對方來看演唱會？她笑言會邀請Leon跟雷頌德一齊欣賞：「我以為佢哋唔想嚟睇，未Contact佢，會親自打畀佢。」Janice指嘉賓方面已決定好三個人選，但不會邀請Leon做嘉賓，問到是哪位歌手？她即大賣關子表示暫時未能透露，想留個驚喜給歌迷。
「最緊要健康」
談到演唱會，她表示今次較過往古靈精怪，更會大獻舞技，但笑言不會跳到好似郭富城咁勁，而是會有類似舞台劇的舞蹈。是否需要開始操Fit？Janice坦言今次不會刻意減磅，因為覺得一下子減磅對身體有傷害，同時磅數亦會很容易反彈，她笑言：「好唔健康，好易仲肥，最近把聲都攰，希望體力應付到三場。（肥與瘦都冇壓力？）冇o架喇，最瘦嗰時都畀人話肥，索性唔理，最緊要健康，鍾意我唱歌嘅人都唔會介意，到時啲衫靚同唱得好就OK。」
文：音樂組
攝：林蔚恩