近日從加拿大回港出活動賺奶粉錢的鍾嘉欣（Linda），日前獨自現身中環街頭，打算搭的士走人的她遇上繁忙時間，等了很久都未能成功截車。Linda心急回家湊女，竟隔着馬路「唱山歌」般大叫記者幫手搵的士，響亮「歌聲」引起途人注目！

藝人鍾嘉欣前年年底下嫁脊醫梁乃鵬姪兒Jeremy後，嫁雞隨雞的她去年8月在加拿大誕下囡囡Kelly，之後一直專心相夫教女，間中由加拿大返港出席活動吸金。

近日Linda又回港出席活動搵奶粉錢，日前下午5時許，只見她獨自前往中環行街，紮了孖辮仔、穿灰色外套的她孭住黑色大袋，步伐急速，見她不停在附近蕩來蕩去過馬路，期間又不時笑咪咪傾電話，原來Linda打算截的士返將軍澳，奈何遇上繁忙下班時間，結果行了很久、亦等了很久，都未能成功截車，後來她發現記者在遠處拍照，隨即隔着馬路如「唱山歌」般大叫記者幫手：「可唔可以幫我截架的士呀？」

嘉欣響亮的叫聲隨即引來不少途人注目，期間更有兩名女粉絲被Linda的聲線吸引，上前要求與她合照，Linda雖然趕時間亦有求必應，態度親切。記者表示該時段很難截車，心急見囡囡的Linda最後放棄搭的士，並說：「我好想快啲返屋企見囡囡呀！（Call車嘛？）Call咗冇車呀，我行咗好耐都搵唔到的士，咁我去搭港鐵會唔會快啲呢？」語畢即向記者道別，然後急急腳步往附近港鐵站，轉搭港鐵返歸。

文、攝：追蹤組