黃心穎：喊完先似番個人！
由馬國明主演的無綫台慶劇《降魔的》前晚一集，講述他到金剛及阮小儀開設的麵店幫襯時，發現原來該店已丟空多時。他其後再次返回麵店，重見店舖失火，即時撬開鐵閘入內救人，發現一個寫有自己名字及錄有自己年幼時聲音的公仔，才知道原來金剛及阮小儀正是其父母，並在三十年前葬身火海。
網民讚感人
這一幕令馬國明的孤兒身世之謎終於揭盅，由於劇情超催淚，不少網民大讚馬國明於劇中沒有呼天搶地，但狂流淚的一幕做得好，又指「套戲嘅親情內容好貼地」，劇情夠晒感人，而且沒有反駁位。
至於馬國明的緋聞女友黃心穎，昨日出席新劇《堅離地愛堅離地》拜神儀式時，表示未有收看前晚一集《降魔的》，她說：「知道大概係點，會睇番。（驚睇到喊？）我鍾意睇啲煽情戲，覺得個人喊完先似番個人，因為有時好耐冇喊，需要啲觸動到你心嘅嘢。」此外，她於《堅》劇飾演張振朗的細妹，性格粗豪，為做網紅賺錢不惜在鏡頭前發姣撒嬌，其中有場做女僕戲份，更要錫晒幾個宅男的面部。
