吳業坤包養「二奶」秘租九龍塘私竇
歌手吳業坤近年由「屋邨仔」升呢後，工作不斷的他身價三級跳，最近更豪爽地換車換樓，除了花約50萬元買新車，又進駐九龍塘豪宅，秘租私竇照顧「二奶」，為免私竇曝光，坤坤連日來返私竇時亦極為警覺，不時四處兜圈免被發現。
坤坤早年掛着「屋邨新人王」之名，一直被指形象夠貼地，捱足多年終於成功彈起，近年廣告代言、劇集及電影等工作接踵而來，身價暴升，加上他不時北上搵錢賺人仔，水源充足，最近被發現接連換車又換樓，極為大手筆。
近月頻頻往內地工作的坤坤，日前晚上難得回港出席活動，身穿西裝的他於晚上9時許完成工作後，與數名男女友人往附近取車，並駕駛其落地不久、價值約50萬元的白色「二奶」離開，他先於尖沙咀放下一名男友人，再驅車往樂富一屋苑，先行下車的他於車尾箱執拾一番，手持大袋物件與兩名女友人匆匆上樓。約半個多小時後，坤坤換上便裝及戴帽鬼祟地離開，步往取車時更左顧右盼一番，才與女友人急急腳上車，直駛九龍塘廣播道一個豪宅屋苑，至深夜仍未見他離開。
自稱純粹租車位
至另一天坤坤又出動，戴上衞衣外套帽及口罩的他獨自到旺角，把「二奶」泊於街頭後便到附近茶餐廳開餐，屋邨出身的他雖然近年荷包腫脹，但在食方面極為慳家，只惠顧42元的全餐，醫肚後他於該處逛了一會便驅車返九龍塘私竇。
對於被指愈住愈富貴，秘密搬到廣播道一帶，坤坤回應本報時說：「唔係呀！嗰度啲車位平好多，平一半，所以我租咗（車位）喺廣播道。」據知該屋苑的車位月租價約1,500元，坤坤更解釋廣播道距離他的住所不太遠，他說：「行都唔係行好遠，所以咪租嗰度，因為真係平好多，抵吖嘛！慳番啲。」除了考慮置業，問他可有想過買車位？他說：「冇，因為太貴，我覺得香港嘅一啲物業，無論係車位定樓都唔係好值得去投資，除非真係一筆過買得起，咁就冇所謂，否則暫時嚟講租比較划算。」
文、攝：追蹤組、音樂組