韓國男團B1A4成員孔燦與同年出生的VIXX成員Hongbin十分老友，經常在Twitter隔空聊天，但近日就因衰多口觸怒粉絲及網民！孔燦講笑叫對方公開戶口號碼，指粉絲便會為他付機票及住宿，被鬧爆當粉絲是提款機！
事緣Hongbin在Twitter向孔燦透露正身在釜山，孔燦叫對方把行程表發給他，Hongbin回答道：「你畀個戶口我先啦！」孔燦摸不着頭腦並反問：「你講咩呀？點解要畀戶口你？」此時Hongbin只說：「你畀張卡我得啦！包喺我身上。」孔燦最後無厘頭道：「喂喂喂，粉絲們想要你嘅戶口號碼呀，你喺度上載0.5秒，佢哋會幫你畀機票同住宿，好唔好呀？」
不少網民指孔燦根本視粉絲為提款機，指他該發言十分冇腦，亦對粉絲不尊重，覺得粉絲的付出是理所當然。孔燦昨日在Twitter上載道歉文，自言因有粉絲留言提到戶口號碼，他才留言講笑，未想到會令人誤會他們是要用粉絲的錢去旅行，但指自己應該要更加慎重，知道該發言令很多人傷心，正在深切地反省。
文：外娛組