藝人譚玉瑛、健身教練杜德智與陳國峰（圖右）昨日現身荃灣，譚玉瑛與長者分享養生秘訣時笑言：「我恃住做開運動，食嘢就冇咁大限制，最緊要食得開心，如果樣樣都唔食得會影響心情，當然我都鍾意飲吓紅酒！」提到早前以懷舊造型與小朋友拍宣傳片，她說：「去咗新加坡拍，酬勞係開心價。（想拍番兒童節目？）過去咗嘅嘢就過咗去啦！」同場的陳國峰笑指囝囝似足媽咪，會否追多個湊個好字？他說：「都好，要向阿Bob（林盛斌）取經。」
