無綫藝人陳婉衡早前到峇里旅行，享受陽光與海灘，期間換上多套三點式展露驕人身材，大晒古銅膚色。對於身形惹人羨慕，陳婉衡坦言背後付出很多：「都幾辛苦o架，起碼要食得好清淡，同戒絕零食。近日我仲自己整Meal Pack，煮埋分幾餐飯盒，總之飲食一定低澱粉質、高蛋白質。」
她更表示每日都很高運動量：「我比較喜歡重量鍛煉，做Gym會『舉鐵操肌』。嚟緊12月我會去馬來西亞參加馬拉松障礙賽，所以呢排操密咗。講真，聽到人哋讚我弗，我着起泳衣上嚟都信心大咗，覺得辛苦有價。」
