最近美國再有傷亡慘重的槍擊案，美國搖滾男歌手「邪神」Marilyn Manson周日於曾發生槍擊案的聖貝納迪諾開騷時，竟拿出步槍形狀的咪指向觀眾，此舉惹來批評，邪神事後急急解畫！
槍擊案一直是美國的社會問題，最近德州教堂再次發生槍擊案，「邪神」Marilyn Manson周日於美國聖貝納迪諾開騷期間卻「唔識死」，拿出步槍形狀的咪指向觀眾，由於當地兩年前曾發生槍擊案，他被批評不敬與製造恐慌。
事後「邪神」發聲明解畫，自言是想借此舉反映美國槍械問題嚴重：「喺呢個大型槍擊案幾乎無日無之嘅時代，呢個係一個演出，嘗試控訴半自動武器係幾咁容易得到，而見到佢哋又係幾咁閒嘅事。我嘅藝術向來反映流行文化，係我向大家反映世上發生可怕嘅事嘅方法。我嘅表演唔係帶有不敬，或者對事件唔夠敏感。我台上用嗰支道具咪，係事先得到警方同意先用。我向所有因為不負責任同不當使用真槍而受影響嘅人送上同情。」警方發言人亦指Marilyn事先有向他們通報。
另外，已故天王米高積遜（Michael Jackson）的19歲女兒巴莉絲積遜（Paris Jackson）於槍擊案發生後，在社交網站Twitter爆粗：「點X解成日咁多人死？」被批評態度不敬，巴莉絲其後再留言澄清：「嘩！我依家先知道德州發生嘅事，我先知自己頭先個留言睇落去對受害人家屬（同事件）係幾咁唔夠觸覺。我要澄清，我係講緊一個朋友。」而她周二於澳洲墨爾本出席賽馬活動，期間百厭向記者扮鬼臉。此外，天后Miley Cyrus亦於Twitter留言談槍擊案：「呢個係一個美國白人男人所發動嘅恐怖襲擊！我好心碎又羞愧。」
文：外娛組