閻奕格爆響口港騷請男神助陣
當年在台灣參加《超級星光大道》踢館賽一夜成名的閻奕格，將於下月12日假九展Star Hall舉行音樂會，雖然曾舉行音樂會，但她坦言今次特別緊張，因為今趟香港站是巡迴騷的首站，她和製作團隊完全不敢怠慢。她透露已邀請了一位特別嘉賓助陣：「我只可以話畀大家聽，呢位男嘉賓今年都喺紅館開過騷，最近仲第一次參演電視劇，有精彩嘅演出。到時佢出現喺台上同我合唱，觀眾一定尖叫。」據知她洩露口風的這位「男神」嘉賓，正是近期人氣飆升的周柏豪。
專輯銷量奪冠
閻奕格為了音樂會寧願犧牲休息時間，每天進行密集式宣傳工作，並爭取與音樂總監、音樂會監製等進行視像會議。距離開騷只有短短一個月時間，格格希望今次音樂會能有別於之前的個人演出：「喺音樂編排同視頻製作做咗好多次修改，希望做到最佳效果，服裝造型上都好花心思。（會唔會試吓性感路線？）只要能配合演出，我唔排除會喺台上展示我性感嘅一面。」此外，格格早前推出了首張個人專輯，在香港、台灣及新加坡等地的數位專輯銷量榜取得冠軍，她說：「收到呢個好消息，就好似幫我個騷打咗支強心針，總之我答應大家會有個難忘嘅晚上。」
文：音樂組
