陳自瑤被指抱恙 蔡思貝綵排冇影 王浩信澄清誤會：冇病喎！
藝人張秀文、張寶兒等昨日為台慶表演項目綵排，陳自瑤被指抱恙，故跟與老公王浩信傳緋聞的蔡思貝雙雙缺席，不禁令人猜測二人是為免尷尬而避席。不過，王浩信昨晚出席活動，表示老婆根本不知道要綵排。
花旦張秀文、港姐姊妹花張寶兒和張寶欣等昨日於電視城為《萬千星輝賀台慶》的表演項目綵排，項目將會有50位男女藝人一起跳舞，原定大會安排了陳自瑤，以及被指介入她與王浩信婚姻的蔡思貝同場綵排，但無綫公關指陳自瑤身體不適，而蔡思貝則在深圳工作未能趕回香港，故二人雙雙缺席，惹來她們為免尷尬而避席的疑雲。
「下午一齊做運動」
不過，陳自瑤老公王浩信昨晚到尖東出席聖誕亮燈活動，卻道出另一版本。當被問到太太是否因抱恙而缺席綵排時，王浩信表示：「佢冇喎，下午我哋仲一齊做運動。係咪溝通上有問題？如果通知咗佢會到嘅。（驚唔驚再被傳係想避開本來都有份綵排嘅蔡思貝？）唔關事嘅。」
「唔知要綵排」
記者昨晚聯絡陳自瑤，她解釋只是與助理編導（PA）溝通上出現誤會：「之前PA傳過訊息畀我，但我Miss咗睇唔到，我亦冇覆過佢可唔可以出席，所以根本唔知今日要綵排。直至個PA今日再打畀我，我先知原來要綵排同有記者到場，完全係大家溝通上嘅誤會。」至於蔡思貝亦指自己在深圳工作，並無避開陳自瑤之意。
此外，王浩信透露日內將陪同女兒出席第3輪入學面試：「我暫時請咗1日假，我哋報咗十幾間學校，而呢間心儀嘅學校就去到第3輪面試，我為囡囡感到驕傲。不過依家啲學校要求家長寫文去闡述自己對小朋友及學校嘅期望，自中學後我都未寫過文章，好彩平時睇開劇本，有得學啲文法去表達自己意思。」
文：影視組