觀眾完騷唔肯走 蔡一智着番褲衝上台

草蜢

完騷後三子返回後台，蔡一智自爆剛才換衫換到一半衝番上台：「我返到後台連褲都換埋，紅館開晒大燈，觀眾點都唔肯走，仲以為佢哋星期一返工會好攰，但原來佢哋唔係，結果我着番條褲上番台！」蘇志威指監製透過耳機表示超時，蔡一傑說：「佢哋真係好Crazy！連燈光師都收晒工，和音都換晒衫！」阿智再說：「觀眾響應我哋開場時所講『你哋愈瘋狂，我哋愈Crazy！』唔知第三、四場嘅觀眾會唔會都咁熱情呢？」

草蜢前晚舉行第二場騷，完騷觀眾唔肯走，三子換緊衫都由台下再上台唱過！

張衞健（右二）與太太張茜捧草蜢場。