想送囝囝入軍校 克勤笑老婆係巫婆……
歌手李克勤為配合新歌《龍鬚糖》宣傳，特別在電台門口擺檔親手炮製龍鬚糖，他笑說：「公司係用歌名嚟宣傳，下次歌名可以叫大閘蟹、環遊世界、願望成真基金同獎學金。」
他透露不時參與囝囝所讀國際學校舉辦的課外活動，問到早前萬聖節有否「扮嘢」慶祝？克勤說：「老婆有扮我冇。（老婆扮咩？）巫婆，唔係，係仙子。（講出老婆一直喺你心中嘅形象？）唔好講呢啲，我係鵪鶉。」他又認為現時的小朋友太被照顧周到，故有意送囝囝入讀軍校：「老婆應該唔捨得，明年暑假睇吓點，幾個星期一定學到嘢，至少畀佢知咩叫冇冷氣。」