方媛扮靚靚Sharp醒撐老公城城
天王郭富城主演的電影昨晚舉行好友場，獲張智霖（Chilam）、排舞師Sunny Wong、梁小冰及鄭丹瑞等捧場，方媛罕有撐老公城城並低調入場，化了妝的她身穿黑色小低胸衫，打扮Sharp醒。
祝福熊黛林有喜
城城表示今次拍攝團隊包括英國攝影師、韓國動作指導及馬來西亞、台灣的工作人員，擦出新火花，而且角色比之前有突破，又指片中不乏飛車場面，自己手腳都受傷：「動作指導好有要求，我同對手王千源唔係拳拳到肉咁簡單，係要拳拳入骨呀！」他又指最近跟影帝梁朝偉合作，大讚對方充滿魅力及有層次。講到舊愛熊黛林近日宣布懷孕，城城表示沒有留意，但說：「無論係咪做呢行都好，有好消息都會祝福。」
至於Chilam透露最近開始食齋，因驗身報告反映其膽固醇偏高：「食咗個幾星期啦！感覺都舒服，瞓得好好，我一直飲食方面都冇咩檢點，如果對身體有好影響，會繼續食齋！（冇得打邊爐囉？）有得食菜嘅。」
