仔女蜜蜂大聯「萌」陳豪茵媺扮埋一份（火羅）咗！
陳豪與太太陳茵媺着重親子活動，萬聖節期間二人化身蜜蜂和蝴蝶，陪同「小蜜蜂」三兄妹出席學校活動，小朋友相片曝光後，網民大讚三兄妹可愛萌爆兼顏值高，陳豪則大讚太太的蝴蝶造型同樣好Hot。
藝人陳茵媺（Aimee）與陳豪（Moses）於2013年結婚後，先後誕下兩仔一女陳梓燁（Aiden Joshua）、陳浩鋒（Nathan Lucas）和陳凱婷（Camilla），一家五口幸福滿瀉。昨日，陳茵媺罕有地上載一張三兄妹的合照到社交網，三個小朋友以黃、黑橫間條衫、頭戴觸角的小蜜蜂造型現身，萌到爆。陳茵媺更留言「1.2.3。哪隻小蜜蜂最甜？」網民見圖紛紛留言，指三兄妹長大得好快，大讚他們遺傳了父母優良基因，一家五口擁有極高顏值！網民更熱烈討論，有網友表示女兒長得像爸爸，兩子反而長得像媽媽，同樣擁有一對大眼睛，笑言一家五口樣貌大玩Crossover。
讚老婆夠Hot
陳豪昨晚出席活動時，表示因為當日學校有活動，故要為小朋友打扮，他說：「我哋以為家長都要扮，我都有扮蜜蜂，返到去學校先發覺其他家長冇扮。」他笑言遭其他家長白眼，但老師們見到就好開心。問到是否像女兒般穿上蜜蜂熱褲？他笑說：「係！好Hot。（Aimee都咁扮？）佢扮蝴蝶，佢都當然Hot啦！不嬲都Hot，其實全家一齊扮嘢都幾好玩，我哋萬聖節都有帶小朋友去隔籬鄰舍拎糖，都好開心。（有冇被集郵？）梗係有啦！」另外，他表示十二月會拍新劇，問到是否一年一劇，他說：「自己一年都拍兩、三套。（要遷就仔女時間？）梗係唔係，邊有咁理想。」
文：專案組、影視組