鄧麗欣姊妹撐場有Miki冇Kary

鄧麗欣前晚邀請好姊妹楊愛瑾（Miki）、區文詩（Angela）出席活動，不過繼續「三缺一」不見吳雨霏（Kary）蹤影，傳不和的Miki與Kary繼續冇同場出現。對此，鄧麗欣解說：「有約Kary，但佢要出席其他活動。（將來會否『四合一』一齊出席活動？）四個人應該要打麻雀。」與Kary屢傳不和的Miki則說：「打麻雀冇所謂呀！（搵過Kary？）冇特登去搵，自己都忙。」鄧麗欣即幫口說：「湊小朋友好忙，大家又有工作都係大忙人。」追問Miki與Kary可有冰釋前嫌的機會？她說：「對我嚟講，我從來都唔知發生咩事，所以冇話好唔好番，都係咁啦。」