陳凱琳做姊妹為結婚取經 陳瀅口快快爆王敏奕年底嫁！
陳凱琳與男友鄭嘉穎拍拖兩年幾，她會為即將結婚的陳嘉寶擔任姊妹，大玩兄弟團，更直認為日後婚禮取經！同場的陳瀅則口快快爆王敏奕年底結婚，嚇到王敏奕掩面有口難言。
前港姐冠軍陳凱琳（Grace）、陳嘉寶（Anjaylia）、陳瀅及王敏奕等昨日出席品牌活動，Grace穿上透視露背裝，輕露「線頭」。提到陳嘉寶於11月25日結婚，Grace將首次擔任姊妹，任務是玩兄弟：「之前婚前派對我哋着過美少女戰士嘅衫，唔會掉，到時叫兄弟着，黃色假髮留番畀新郎，到時影張相做對比！」與男友鄭嘉穎拍拖兩年多的Grace，被問到今次是否為將來結婚取經？她說：「少少啦，睇吓有咩要早啲準備，都想學習吓。」另一姊妹團成員陳瀅則說：「我連男朋友都冇，大家唔好同我爭花球。」Anjaylia更笑言：「有靚仔兄弟放題，迴轉壽司就畀陳瀅。」
「死喇，有排解釋」
另外，Anjaylia、陳瀅、王敏奕前晚與其他好姊妹黃山怡（糖妹）、何雁詩、賴慰玲等開派對。問到慶祝甚麼？陳瀅竟口快快爆王敏奕年底結婚：「我啱啱過咗生日，王敏奕年底結婚……呀，唔係呀，講錯，係Anjaylia結婚，王敏奕係1月1日生日。（爆料？）講錯啫，未瞓醒。」在旁的王敏奕即時一臉愕然說：「只係生日，死喇，有排解釋。」她亦否認與黃宗澤合拍網劇《飛虎極戰》傳緋聞，更稱與男友曾國祥感情要好，至於何時結婚，她希望先拍多點戲。
姊妹開P齊Happy
其後，記者致電曾國祥問到是否結婚？他否認，並指暫未有婚期。而前晚陳瀅與一班姊妹開派對，原來慶祝懷孕8個多月的賴慰玲將生BB、加上陳瀅與糖妹是10月壽星、何雁詩則11月生日以及即將嫁人的陳嘉寶，還有組合Super Girls成員吳嘉熙、蔡思貝相約玩餐飽，她們更應節地戴上萬聖節面具，最後一起瞓在床上影「床照」，搞笑又溫馨！
文：名人組