加拿大樂壇小天王Justin Bieber最近盛傳與小天后舊愛Selena Gomez復合，前日早上二人被影到「合體」在加州一間咖啡店食早餐！照片中用衫帽笠頭的Justin與Selena有傾有講，食完早餐後，再被影到一同到教堂做「禮拜」，她們一前一後，Justin只顧與保鏢「吹水」，而隨後的Selena就做「低頭族」睇手機，似乎有所避忌。
其後他們分道揚鑣，記者問他與Selena是否復合？Justin即扮傻話唔記得Selena係邊個？正當大家以為二人復合之際，原來二人並非「翻撻」，有指Selena的歌手男友The Weeknd都知她與Justin來往頻密，亦不介意。而Selena的家人仍然好討厭Justin過往的壞行為，有家中成員說：「Justin係一個卑鄙嘅人，我哋永遠都唔會接受佢。而Selena同佢傾番偈，唔單止唔尊重我哋，亦同樣唔尊重佢（Selena）自己！」家人亦深信之前Selena因抑鬱症入院都是拜Justin所賜！