古巨基搵人示愛萬人齊聲嗌老公！
歌手古巨基在廣州舉行巡迴演唱會，已婚三年的他原來仍沉醉於被人主動示愛，當要求歌迷面對面以暱稱呼喚他時，近萬人大叫「老公」，響遍全場，未知來捧場的外父、外母聞得女婿有上萬名「小三」，會好嬲定好笑呢？
古巨基日前假廣州舉行《我們》世界巡迴演唱會Part 2，基仔的父母、外父和外母及一眾親友專程捧場，估計基仔的太太亦有同行。演出期間基仔分享心路歷程時，自爆收到歌迷不少窩心留言：「喺微博睇到唔少歌迷會留言畀我話『老公，今晚Good Show！』之類嘅字句，我覺得個心好暖，同埋都驚嘆呢啲新嘅表白方式。」他隨即要求現場歌迷即場表白給他聽：「有邊位可以咁樣留言畀我，就請叫一聲！」結果全場不分男女齊聲大叫「老公」，場面震撼又搞笑，台上的基仔則一副冧樣。
舞台特效震撼
基仔為配合廣州一站，個唱上特設廣東歌環節，一口氣獻唱《第二最愛》、《Human我生》、《遊戲基》、《愛的解釋》等專輯的經典粵語歌，勾起歌迷不少集體回憶，並指基仔的每首金曲都陪伴着他們成長。基仔又將個唱打造成一場夢幻穿越之旅，回憶與未來互相穿插，科幻感的舞台特效叫歌迷嘆為觀止。基仔說：「希望用音樂鼓勵正在追尋幸福嘅人，帶畀佢哋最真實溫暖嘅力量。」
在最後的Encore部分，基仔說：「我唔會講為大家帶嚟最後一首歌，我要送畀你哋最後三十三首歌！」不過當他唱完串燒歌《情歌王》後便宣告個唱結束，而下站他將飛到新加坡再開騷。
文：音樂組