歌手孫耀威（Eric）與陳美詩（Macy）拍拖八年，早前在美國秘密註冊結婚，於今年七月在香港舉行婚禮，正式成為夫妻。兩人婚後依然恩愛如昔，經常孖住出席朋友飯局。

日前晚上9時許，Eric駕車與老婆Macy拍拖前往跑馬地搵食，泊好車後，兩公婆邊行邊傾，Eric不時望住老婆笑咪咪，表現甜蜜！其後雙雙行去附近一間餐廳撐枱腳。逗留約個多小時後，Macy尾隨老公步出取車，期間見記者拍照亦大方任影唔嬲，之後由Eric做柴可夫載老婆返歸。