鄧月平撩林敏驄拍親熱戲
「巨胸翠如」鄧月平（Larine）穿上絲質睡衣，亮相東網巨星節目「海馬牌床褥特約」《閨蜜睡房》。擁36F驕人上圍的她，大談當日中學畢業無所事事，結果於好友推動下參加ViuTV選美比賽，期間因身材出眾成為話題，不諱言理想中的身材乃瘦削型，認為現時普遍男仔也喜歡瘦削型女仔，朋友亦大多僅得約40公斤重，令她自覺又肥又矮，屬癡肥一族。
雖然於影壇尚屬初哥，但Larine卻視影后湯唯為目標，望有朝一日能有其成就，更指欲與林敏驄拍親熱戲，因對方於電影中的搞笑橋段令其過電。談到出身於捉鬼家族，Larine自言怕鬼，更曾於農曆鬼節「撞鬼」：「當日喺尖沙咀後巷，見到有個灰色皮膚嘅人，上網睇話係浸死咗嘅屍體發脹先會咁，我真係驚到伏喺度。」她又帶了一件「私物」於節目分享：「平時會用小動物形狀嘅橡筋綁住頭髮瞓，咁會令自己容易啲瞓覺，同時我亦有好多動物類嘅物件，好似喵喵耳仔頭箍、羊羊櫈咁，動物形嘅咕o臣我都有。」
https://goo.gl/EZaZSb