舊愛賣名牌物品套現 麥明詩拒接手:我買唔起!

林作自爆被母親告知要賣豪宅以維持生活,該單位更被指原是林母買給他與舊愛麥明詩(Louisa)將來結婚之用,但二人目前已各自精彩。Louisa被問知否林作的財政出現問題,正忙拍新劇《是咁的,法官閣下》的她表示未有時間留意:「冇了解佢財政,但無論屋企點都好,佢都出咗嚟做嘢,自力更生係好事。(有冇搵你接手佢啲名牌物品?)名牌我買唔起呀!一折都買唔起,但相信佢點差都係小康嘅!(佢話搬慣屋,仲會借住女友屋企?)我屋企都係剛剛夠同屋企人住,加上喺英國時大家都未熟嘅,佢係牛津,我係劍橋。」

講到林作簽約范振鋒正式做藝人,Louisa說:「唔係好清楚,唔想互相影響,新聞都可以各自獨立。(抗拒同佢以藝人身份合作?)當然唔會,工作上當然OK,但朋友身份就唔干涉佢私事。」